Տհաճ կանխատեսումներ

Ճապոնական «Ֆուկուսիմա-1» վթարված ատոմակայանի վթարի հետեւանքների հետ կապված կանխատեսումներով հանդես է եկել Ռադիացիոն ռիսկի եվրոպական կոմիտեն (ECRR). գրում է «Սոբեսեդնիկը»:

Մասնագետների տվյալներով` «Ֆուկուսիմա-1»-ից ռադիոակտիվ արտանետումները նպաստում են օնկոլոգիական հիվանդությունների աճին: Ըստ հաշվարկների` ԱԷԿ-ից 100 կմ շառավղով տեղակայված բնակավայրերի 3 միլիոն բնակիչներից 200 հազարը կհիվանդանան մահացու հիվանդությամբ, իսկ 100-200 կմ շառավղով ապրող 7 միլիոն բնակչությունից` եւս 220 հազարը:

Մասնագետները պնդում են, որ քաղցկեղով հիվանդանալու վտանգը սպառնում է ատոմակայանի մոտ բնակվող բոլոր մարդկանց, եթե նրանք մնան իրենց տներում եւս մեկ տարի: