Չեմպիոնության համար կպայքարի 6 թիմ

«Մանչեսթեր Յունայթեդի» գլխավոր մարզիչ սըր Ալեքս Ֆերգյուսոնը կարծում է, որ այս մրցաշրջանում  Անգլիայի Պրեմիեր լիգայում չեմպիոնության համար կպայքարի առնվազն 6 թիմ. հայտնում է The Telegraph-ը:

«Առաջ մենք խոսում էինք Մեծ քառյակի մասին, որտեղ մտնում էին «Մանչեսթեր Յունայթեդը», «Արսենալը», «Չելսին» և «Լիվերպուլը»:  Չնայած, որ «Արսենալն» այս ամռանը լուրջ մտորումների մեջ է` Ֆաբրեգասի և Նասրիի ապագայի հետ կապված, իսկ «Լիվերպուլը» մրցակցությունից դուրս է մնացել դեռևս 1990-ից,  «Մանչեսթեր Սիթին» ամենագնողունակ ակումբն է:  «Տոտտենհեմը» չկարողացավ ճիշտ բաշխել ուժերը Չեմպիոնների լիգային մասնակցելու պատճառով, որի հետևանքով էլ տեղ չգտավ Մեծ քառյակում: Սակայն այս թիմերից յուրաքանչյուրը կարող է չեմպիոն դառնալ»,- ասել է Ֆերգյուսոնը: