Ասանժի դատավճիռը չի հրապարակվել

Լոնդոնի Գերագույն դատարանը հետաձգել է WikiLeaks-ի հիմնադիր Ջուլիան Ասանժին Շվեդիային հանձնելու դատավճռի հրապարակումը: Բանն այն է, որ սեռական բնույթի հանցագործությունների մեջ մեղադրվող Ասանժի փաստաբանները նոր ընթացք են հաղորդել գործին:

Ինչպես հաղորդում է BBC-ն, դատական նիստի ժամանակ շվեդական դատախազության ներկայացուցիչը փորձել է ապացուցել, որ Ասանժի հետ սեռական կապի մեջ մտած կանայք դա արել են իրենց կամքին հակառակ:

Իսկ Ասանժի դատապաշտպանը «նատուրալիստական մանրամասներով» ներկայացրել է, որ դատապարտյալի սիրահետումները դուրեկան են եղել այդ կանանց համար, եւ նրանք դիմադրել միայն այն ժամանակ, երբ Ասանժը հրաժարվել է պահպանակ օգտագործել: