Սարդը հսկայական վնաս է հասցրել հիպերմարկետին

Էկզոտիկ սարդը 3 օր շարունակ խաթարել է գերմանական Բեկսբախ քաղաքի «Ռեալ» հիպերմարկետի աշխատանքը: Ենթադրվում է, որ չափազանց թունավոր մորմը եղել է Կոլումբիայից ներմուծված բանանի արկղներից մեկում:

Սարդին վնասազերծելու ընթացքում 5 հազար քառակուսի մետր մակերեսով խանութը փակվել է: Բացի խանութի աշխատակիցներից ու ոստիկաններից, որոնումներին մասնակցել են նաեւ ոչ հեռու գտնվող կենդանաբանական այգու մասնագետները, որոնց կարծիքով` սարդի թույնը վտանգավոր է մարդու համար:

Խանութին հասցված վնասը հսկայական է, քանի որ երեք օր խանութում մնացած սնունդն այլեւս պիտանի չէ, բացի այդ` դեպքը տեղի է ունեցել հանգստյան օրերին, երբ այցելուների թիվը սովորականից շատ է լինում: