Մասոնների համաժողով կա՞, թե՞ չկա

Ըստ մամուլում շրջանառվող տեղեկությունների` հուլիսի 1-11-ը «Արմենիա Մարիոթ» հյուրանոցում տեղի էր ունենալու մասոնների համաժողով:

Երբ փորձեցինք հյուրանոցի աշխատակիցներից ճշտել, թե, իրո՞ք, նման համաժողով նախատեսված է նշված ժամկետում, մեզ հրաժարվեցին որեւէ տեղեկություն հայտնել:

«Հյուրանոցն իր այցելուների եւ կազմակերպված միջոցառումների մասին ոչ մեկին տեղեկություն չի տրամադրում»,- ասաց հյուրանոցի աշխատակիցներից մեկը:

Անվտանգության աշխատակիցներից մեկն էլ ասաց. «Ոչ մի նման միջոցառում էլ նախատեսված չէ մեզ մոտ»:

Նշենք, որ մեր թղթակցին միջոցառումների համար նախատեսված սրահներով շրջել նույնպես չթույլատրեցին: