Գերմանիան կունենա պրոֆեսիոնալ բանակ

56-ամյա համընդհանուր զինվորական ծառայություն ունեցող Գերմանիայում այլևս զորակոչ չի լինի: Գերմանիան ցանկանում է ունենալ պրոֆեսիոնալ բանակ, որն ավելի արդյունավետ կապահովի երկրի անվտանգությունը: Ինչպես հայտնում է Deutsche Welle-ն, գերմանական բանակի թվաքանակը կկրճատվի 250.000-ից մինչեւ 158.000-ի։

Կրճատումները, բնականաբար, կտարածվեն պաշտպանության նախարարության բյուջեի վրա, որին առաջիկա 4 տարվա ընթացքում կհատկացվի սովորականից 8 մլրդ եվրո պակաս։

Նախատեսվում է նաև կամավոր ծառայություն, որի ժամկետը կլինի 1 տարուց մինչև 23 ամիս` ըստ զինվորի ցանկության։

Ներկայումս զորակոչը գործում է ՆԱՏՕ-ի անդամ 28 երկրներից միայն 4-ում`Հունաստանում, Էստոնիայում, Նորվեգիայում և Թուրքիայում։