Բանտ` YouTube-ում ոչ լիցենզիոն տեսահոլովակներ տեղադրելու համար

ԱՄՆ Սենատը օրինագիծ է քննարկում, համաձայն որի` ազատազրկում է սպառնում բոլոր նրանց, ովքեր ինտերնետային ցանցում ոչ լիցենզիոն նյութեր կտեղադրեն:

Ինչպես հաղորդում է PCworld.com-ը, եթե Սենատն ընդունի օրենքը եւ այն ստորագրվի նախագահ Օբամայի կողմից, ապա այն ուղղակիորեն վերաբերելու է YouTube վիդեոհոսթինգի միլիոնավոր օգտատերերին:

Օրենքը խախտելու համար ԱՄՆ քաղաքացուն սպառնալու է մինչեւ հինգ տարվա ազատազրկում:

Սակայն օրենքում կա նաեւ բացառություն. օրենքի խախտում չի համարվի, եթե տեղադրված ոչ լիցենզիոն հոլովակը դիտողների թիվը չգերազանցի 10 հոգին, եւ դրանից ստացված շահույթը 2.5 հազար դոլարից քիչ կլինի: