Вконтакте-ում ձայնագրություն տեղադրելու համար` 6 տարվա ազատազրկում

Вконтакте սոցիալական ցանցից օգտվողներից մեկի դեմ քրեական գործ է հարուցվել` հեղինակային իրավունքները ոտնահարելու համար: Այս մասին հայտնել են ՌԴ ՆԳՆ լրատվական բաժնից:

«Նիկիտին» ընկերության ներկայացուցիչը դիմել է իրավապահ մարմիններին եւ տեղեկացրել է, թե Вконтакте-ում ապօրինաբար տարածում են ձայնագրություններ, որոնց հեղինակային իրավունքը պատկանում է իրենց ընկերությանը:

Հետաքննության արդյունքում պարզվել է, որ ապօրինի 26-ամյա մոսկվայաբնակ երիտասարդն իր էջում տեղադրել է հայտնի կատարողների 18 երգ, որոնք ներբեռնել են մոտ 200 հազար անգամ:

Լրատվության բաժնի ներկայացուցիչը նշել է, որ միայն մեկ օրինախախտի պատճառով հեղինակային իրավունքի տերը 108 հազար ռուբլու վնաս է ունեցել:

Քրեական գործ է հարուցվել, կասկածյալին մինչեւ վեց տարվա ազատազրկում է սպառնում:

Այս մասին հաղորդում է ИТАР-ТАСС-ը: