ՀԱՅԿԱԿԱՆ ԺԱՄԱՆԱԿ. No comment

No comment. երեկ այսպես է պատասխանել Սերժ Սարգսյանի խոսնակ Արմեն Արզումանյանը մեր թղթակցի այն հարցին, թե ճի՞շտ են լուրերը, որ Սարգսյանը ընդդիմության եւ իշխանության միջեւ երկխոսության վերաբերյալ հայտարարություն է անելու:

Հարցին, թե արդյո՞ք ընդդիմության եւ իշխանության միջեւ երկխոսության վերաբերյալ ՀՀԿ խոսնակ Էդուարդ Շարմազանովի եւ Սերժ Սարգսյանի աշխատակազմի ղեկավար Կարեն Կարապետյանի հայտարարությունները կարելի՞ է համարել որպես Սերժ Սարգսյանի դիրքորոշում, Արմեն Արզումանյանը պատասխանել է նույն կերպ. «No comment»:

Այս ընթացքում, մասնավորապես, Շարմազանովն իր հայտարարությունը ներկայացնում էր որպես ՀՀԿ դիրքորոշում, որի նախագահն է Սերժ Սարգսյանը: Բայց եթե դա լիներ Սարգսյանի դիրքորոշումը, Արզումանյանը մեր հարցին պետք է պատասխաներ մեկ բառով` «այո», մինչդեռ նա պատասխանեց երկու բառով` «no comment», ինչը նշանակում է, որ Շարմազանովն ու Կարապետյանն ամենեւին էլ Սարգսյանի դիրքորոշումը չեն ներկայացրել:

Քաղաքական շրջանակներում նշվում է, որ Սարգսյանն ընդդիմության հետ երկխոսության վերաբերյալ կխոսի ԵԽԽՎ լիագումար նստաշրջանում նախատեսված իր ելույթում` հունիսի 22-ին: