Մոուրինիոն սեփական թիմն է հավաքում

Մադրիդի «Ռեալը» մտադիր է ամառային տրանսֆերի ժամանակ հրաժեշտ տալ մի շարք ֆուտբոլիստների: Ժոզե Մոուրինիոն հաջորդ մրցաշրջանը մտադիր է սկսել 23-24 խաղացողներով:

Ներկա պահին ակումբի հետ պայմանագրեր ունեն 28 ֆուտբոլիստներ, այդ թվում` Նուրի Շահինը, Համիդ Ալթինթոփը և Խոսե Կալյեհոնը: Միևնույն ժամանակ, ակումբը պատրաստվում է մի քանի ֆուտբոլիստներ ձեռք բերել ամառային տրանսֆերային պատուհանի ժամանակ: Բանակցություններ են ընթանում «Մանչեսթեր Սիթիի» հետ Էմանուել Ադեբայորի տեղափոխության վերաբերյալ:

Մոուրինիոն սեփական թիմն է հավաքում: «Ռեալը» լքելու ամենահավանական թեկնածուներն են` Ֆերնանդո Գագոն, Էսեկիել Գարայը, Պեդրո Լեոնը, Սեևխիո Կանալեսը, Լասսը, Ռոյստոն Դրենտեն: Կակայի վերաբերյալ Մուրինիոն դեռևս ոչ մի պաշտոնական հայտարարություն չի արել: