Ավտոկռունկը փոսն է ընկել

Երեկ Երևանի թիվ 188 միջնակարգ դպրոցին հարող տարածքում ավտոկռունկ է շրջվել:

Դեպքի վայր են մեկնել փրկարարական ուժերի վարչության հատուկ փրկարարական ջոկատի հերթապահ խումբը և ճգնաժամային կառավարման կենտրոնի օպերատիվ խումբը. տեղեկացնում է «Արտակարգ ալիքը»:

Տեղում պարզվել է, որ դեռևս չպարզված հանգամանքներում ավտոկռունկի ընթացքի ժամանակ փլուզվել է դպրոցի մոտակայքում գտնվող ստորգետնյա օժանդակ կառույցի երկաթբետոնե ծածկը, որի հետևանքով ավտոկռունկը շրջվել է` հայտնվելով առաջացած փոսում:

Ավտոկռունկի վարորդը` 1964թ. ծնված Ավետիս Նազարյանը ստացել է տարբեր աստիճանի մարմնական վնասվածքներ և մինչ փրկարարների տեղ հասնելը տեղափոխվել է «Արմենիա» բժշկական կենտրոն: Տուժածի վիճակը բժիշկները գնահատում են բավարար: