Յուլյա Տիմոշենկոյին ձերբակալել են

Ուկրաինայի գլխավոր դատախազությունը հաստատել է երկրի նախկին վարչապետ, «Բատկիվշչինա» ընդդիմադիր կուսակցության առաջնորդ Յուլյա Տիմոշենկոյին ձերբակալելու փաստը:

Ըստ mignews.com-ի` այդ մասին լրագրողներին տեղեկացրել է գլխավոր դատախազության բաժնի պետ Օլեգ Պուշկարը: Նա նաև նշել է, որ հարցաքննությունից հետո Տիմոշենկոն բաց կթողնվի։

Gazeta.ru-ի փոխանցմամբ՝ ձերբակալման համար պատճառ է հանդիսացել Տիմոշենկոյի կողմից քննչական գործողություններին խոչընդոտելը։

Ուկրաինական ԶԼՄ-ները գրում են, որ Տիմոշենկոն հնարավոր է կանգնի դատարանի առջև։

Նա մեղադրվում է ջերմոցային գազերի արտանետման համար քվոտաների վաճառքից ստացված 480 մլն եվրոն ոչ նպատակային ծախսելու, ինչպես նաև շտապ օգնության 1000 մեքենաները գնելու ժամանակ ծառայողական պարտականությունները և իշխանությունը չարաշահելու մեջ: