"Յունայթեդի" 19-րդ չեմպիոնությունը

Մառախլապատ Ալբիոնում ավարտվեց հերթական առաջնությունը:

Սըր Ալեքս Ֆերգյուսոնի գլխավորած «Մանչեսթեր Յունայթեդը» 19-րդ անգամ հռչակվեց Անգլիայի չեմպիոն` այդպիսով շրջանցելով «Լիվերպուլի» սահմանած չեմպիոնության ռեկորդը (18):

Փոփոխություն տեղի ունեցավ նաև առաջին քառյակում: Լոնդոնի «Արսենալը», որը պայքարում էր չեմպիոնության համար վերջնահաշվարկում տեղ զբաղեցրեց 4-րդ հորիզոնականում` իրենց առաջ թողնելով «Մանչեսթեր Սիթի»-ին: Երկրորդ հորիզոնականը զբաղեցրեց «Չելսին», որի համար, հավանաբար, սա ձախողում համարվեց. երևի դա էր պատճառը, որ առաջնության ավարտից անմիջապես հետո իր զբաղեցրած պաշտոնից հեռացվեց թիմի գլխավոր մարզիչ իտալացի Կառլո Անչելոտին:

Լավագույն հնգյակը եզրափակեց «Տոտենհեմը», իսկ «Լիվերպուլը» այս մրցաշրջանում բավավարվեց 6-րդ հորիզոնականով:

Լավագույն տասնյակում հայտնվեցին «Ֆուլհեմը», «Էվերթոնը», «Ասթոն Վիլլան» և «Սանդերլենդը»:

Պրեմիեր լիգան լքեցին «Վես Հեմը», «Բլեքպուլը» և «Բիրմինգեմը»:

Նոր մրցաշրջանը կմեկնարկի օգոստոսի 15-ին:

Իսկ մինչ այդ դժվար թե ֆուտբոլասերները ձանձրանալու առիթ ունենան, քանի որ հունիս-հուլիս ամիսներին նախ կանցկացվի Եվրոպայի Մ-21 տարեկանների առաջնությունը, այնուհետև` Ամերիկայի գավաթը: