Վերջը բարի լինի

Այսօր «Հարավ-Կովկասյան երկաթուղիներ» ընկերության «Երեւան» կայարանում տոմսերի վաճառքի «Օրիոն» համակարգը միացվել է Թբիլիսիի կայարանի համապատասխան ծառայության հետ։

ՀԿԵ գլխավոր տնօրենի առաջին տեղակալ Մարատ Խակովը հայտնել է, որ, բացի Երեւանից, համակարգը ներդրվելու է նաեւ Գյումրիի, Վանաձորի եւ Արմավիրի կայարաններում։

Ըստ ՀՀ տրանսպորտի եւ կապի նախարար Մանուկ Վարդանյանի` նոր համակարգը հնարավորություն կտա տոմսեր ձեռք բերել առանց բյուրոկրատական քաշքշուկների. «Այցելուն պարզապես տոմսարկղ է ներկայացնում իր անձնագիրը եւ ասում, թե ինչ տիպի տոմս է ցանկանում։ Մնացածն արդեն ավտոմատացված է. առավելագույնը 1 րոպեի ընթացքում հաճախորդին կատարվում է առաջարկ»։

Նախարար Վարդանյանը նաեւ տեղեկացրել է, որ աշխատանքներ են իրականացվում երկաթուղային եւ ավտոբուսային տոմսերի ինտերնետային վաճառք կազմակերպելու ուղղությամբ։