Մեր պայմանը` Ցեղասպանության ճանաչում

Ցեղասպանության փաստն անհերքելի է, եւ մենք պետք է ամեն ջանք գործադրենք, որպեսզի Թուրքիան վերջապես ճանաչի Ցեղասպանությունը. «Մոսկովսկիե նովոստի» թերթին տված հարցազրույցում հայտարարել է Հայաստանի նախագահ Սերժ Սարգսյանը:

Պատասխանելով լրագրողի հայ-թուրքական հաշտեցման գործընթացին վերաբերող հարցին` նա ասել է, որ աշխարհագրությունը ճակատագիր է, Հայաստանը պետք է գոնե ինչ-ինչ հարաբերություններ ունենա հարեւանների հետ, իհարկե, ոչ ամեն գնով:

«Երբ մենք սկսեցինք հարաբերությունների բնականոնացման գործընթացը, շատ ընդդիմախոսներ ասացին, որ դա կխոչընդոտի Ցեղասպանության միջազգային ճանաչմանը: Այդ կանխատեսումները, փառք Աստծո, չիրականացան»,- նշել է նախագահը` հավելելով. «Հաշտեցումը հնարավոր կլինի միայն այն ժամանակ, երբ Թուրքիան ճանաչի Ցեղասպանությունը: Առանց ճանաչման հնարավոր չէ հաշտեցում: Սխալվում են նրանք, ովքեր Թուրքիայի հետ հարաբերություններ հաստատելու փորձերը որպես հաշտեցում են ներկայացնում: Իսկական հաշտեցումը հնարավոր է ապաշխարությունից հետո»:

Հարցին, թե հնարավո՞ր է տնտեսական աճ` առանց Թուրքիայի հետ հարաբերությունների նորմալացման, Սերժ Սարգսյանը պատասխանել է, որ այդ միանշանակ պատասխան չկա, համենայն դեպս` 20 տարի զարգացել ենք ու սովից չեն մեռել: