Նաիրիտցիների պատրաստակամությունն ու պայմանը

Ֆեյսբուքյան` «Նաիրիտ գործարան» նախաձեռնության «Կամք» քաղաքացիական շարժումը հայտարարություն է տարածել՝ նշելով, որ պատրաստ է երկխոսության նոր ձևավորվող կառավարության հետ` պայմանով. «Եթե նոր ձևավորվող կառավարությունը ներկայացնի «Նաիրիտ» գործարանի աշխատակիցներին աշխատանքով ապահովելու և աշխատակիցների ուշացված աշխատավարձերի վճարման էֆեկտիվ տարբերակներ և ի տարբերություն նախորդ վարչապետի՝ այն չավարտվի ընդամենը չիրականացված խոստումներով, այլ ապացուցվի գործով:

Կարծում ենք՝ ցանկացած խնդրի հնարավոր է հասնել դիվանագիտական երկխոսության ճանապարհով, եթե այն ուղղորդվում է ողջամիտ բանականությամբ:Երկխոսության տարբերակները ներկա պահին վերաբերվում են միայն «Նաիրիտ» գործարանի խնդրի շրջանակներում իրականացվող հրատապ և ընթացիկ խնդիրներին:

Հուսանք, որ այս անգամ այն չի ավարտվի վարչապետի հրաժարականով և ավելի դեգրեսի գնացող տնտեսությամբ»: