Նոր մարզադահլիճ՝ Հերհեր գյուղում

ԼՂՀ Մարտունու շրջանի Հերհեր գյուղում երեկ տեղի է ունեցել գյուղի դպրոցի նորակառույց մարզադահլիճի բացման հանդիսավոր արարողությունը: Մարզադահլիճը կառուցվել է ֆրանսահայ բարերարներ, ՀՄԸՄ կենտրոնական վարչության անդամ Հրաչ Սիսեռյանի եւ նրա տիկնոջ Էլիզաբեթ Քելեշյանի հովանավորությամբ։

Ինչպես տեղեկացնում են նախագահի աշխատակազմի տեղեկատվության գլխավոր վարչությունից, մարզադահլիճի բացման հանդիսավոր արարողությանը մասնակցել է նաեւ նախագահ Բակո Սահակյանը: Նա շնորհակալություն է հայտնել բարերարներին եւ հայրենանվեր գործունեության համար նրանց պարգեւատրել «Երախտագիտություն» մեդալով:

Միջոցառմանը մասնակցել են նաեւ ԼՂՀ երկրորդ նախագահ Արկադի Ղուկասյանը,  Հայ Առաքելական եկեղեցու Արցախի թեմի առաջնորդ Պարգեւ արքեպիսկոպոս Մարտիրոսյանը, պաշտոնատար այլ անձինք: