ՀՐԱՊԱՐԱԿ. Մառոզն ինչ-որ բան շփոթում է

Երեկ մենք ստույգ տեղեկություն ստացանք Մառոզի` Մարգարիտա Խաչատրյանի մասին, ով վերջերս մի խմբով հարձակում է գործել «Հրապարակի» խմբագրության վրա, եւ ում վերաբերյալ Կենտրոնի ոստիկանությունում նյութեր են նախապատրաստվում:

Նա 2003-ին եւս աչքի է ընկել նման մի հերոսությամբ ու դատվել: Դատարանը նրան խուլիգանության համար դատապարտել է 1 տարի պայմանական ազատազրկման: Որպես մեղմացուցիչ հանգամանք` հաշվի են առել նրա` բանակում որդի կորցնելը եւ բավարարվել են` թեթեւ պատիժ տալով:

Ի դեպ, Մառոզը ցուցմունք է տվել ոստիկանությանը եւ թերթերից մեկին էլ ` հարցազրույց, որտեղ ասել է, թե ինքը խաղաղ այցելել է խմբագրություն, եւ մենք ենք նրան վիրավորել ու ծեծել, նաեւ խմբագրության թերթերն ենք պատառոտել ու բաժակներ կոտրել: Հավանաբար մոռացել է նշել, որ վնասվածքներն էլ ինքներս ենք մեզ պատճառել: