Մարտի 1. ինչո՞ւ` ստացվեց

«Ջրբաժանը խիստ է ասված, դա թշնամիների համար են օգտագործում»,- լրագրողների հետ հանդիպման ժամանակ նշեց «Բարգավաճ Հայաստան» կուսակցության պատգամավոր Վարդան Բոստանջյանը` մեկնաբանելով ՀԱԿ-ի այն հայտարարությունը, թե ապրիլի 28-ի հանրահավաքը կարող է ջրբաժան լինել: Նա նշեց, որ ՀՀՇ-ն երբեք երկիրն անկումային իրավիճակների կամ սրացումների չի տարել:

Հարցին, թե մարտի 1-ի դեպքերն ո՞ւմ պատճառով եղան, Բոստանջյանը պատասխանեց. «Ստացվեց»:

«Նոր ժամանակներ» կուսակցության նախագահ Արամ Կարապետյանն էլ նշեց, որ նույնպես չի կարծում, թե ջրբաժան կլինի:

«Եվ այդտեղ տրամաբանություն կա, որովհետեւ ՀԱԿ-ի որոշ պահանջներ կատարվել են»,- նշեց նա՝ ավելացնելով, որ ՀԱԿ-ի և իշխանության միջև երկխոսություն կա: