Կհավերժացնեն աշխարհահռչակ շվեդներին

Շվեդիայի բանկը որոշել է հավերժացնել 20-րդ դարի աշխարհահռչակ շվեդներին:

Որոշման համաձայն` շվեդական նոր թղթադրամների վրա կհայտնվեն ռեժիսոր Ինգմար Բերգմանի, գրող Աստրիդ Լինդգրենի, օպերային երգչուհի Բրիգիտ Նիլսենի, հոլիվուդյան դերասանուհի Գրետա Գարբոյի (Ռուբեն Մամուլյանի ֆիլմում մարմնավորել է շվեդական թագուհի Քրիստինայի կերպարը), հանրահայտ երաժիշտ Էվեր Տաուբեի (1890-1976), ՄԱԿ-ի գլխավոր քարտուղար, խաղաղության Նոբելյան մրցանակի դափնեկիր Դագ Համարշելդի (1905-1961) դիմանկարները:

Յուրաքանչյուր թղթադրամի վրա պատկերվելու է երկրի այն շրջանը, որի հետ վերջիններս առնչություն են ունեցել: Օրինակ` 20 կրոն արժողությամբ թղթադրամի վրա Աստրիդ Լինդգրենի հետ միասին կպատկերվի Սմոլանդ շրջանը, իսկ 50 կրոնանոցի վրա` Ստոկհոլմը,  որտեղ ծնվել է դերասանուհի Գրետա Գարբոն:

Նոր թղթադրամները շրջանառության մեջ կդրվեն 2014-ից ոչ շուտ, իսկ մինչ այդ Շվեդիայի բանկը կհայտարարի մրցույթ` նոր թղթադրամների դիզայնը որոշելու համար: