Էքսկուրսիա դեպի աղբանոց

Բնապահպաններն ահազանգում են` պոլիէթիլենային տոպրակները վնասակար են:

Շատերը հավանաբար չգիտեն, որ պոլիէթիլենային տոպրակները քաղցկեղածին են, առաջացնում են նյարդային, հորմոնային խախտումներ, եթե հաշվի չառնենք նաեւ այն հանգամանքը, որ շատ ուշ են քայքայվում:

Բնապահպաններն առաջարկում են դրանք հանել կիրառությունից, փոխարենը օգտագործել կտորե կամ թղթե տոպրակներ:

«Պետք է տուգանքներ կիրառել դրանք ներմուծողի եւ արտադրողի նկատմամբ, այն էլ` մոտ 2000 դոլարի չափով»,- լրագրողների հետ հանդիպման ժամանակ ասաց բնապահպան Լիլիթ Դաշյանը:

Իսկ բնապահպան Թամարա Գալստյանն առաջարկեց կազմակերպել էքսկուրսիաներ դեպի աղբանոց. նրա հավաստմամբ` շատ բան է փոխվում դրանից հետո: