Թուրքիայում ցանկանում են վերականգնել որպես աղբանոց օգտագործվող եկեղեցին

Հայերի՝ 1915 թվականից առաջ կառուցած մշակութային արժեքները միայն եկեղեցիներ չեն:

Ըստ «Ակօս»-ի՝ Հայոց ցեղասպանությունից հետո հայերի լքած տները, դպրոցները, խանութները, հողերն ու եկեղեցիները թողել են բախտի քմահաճույքին: Այդ շինություններից մեկը համարվող Վանի Գյուլփընար շրջանի պատմական եկեղեցիներից մեկը փորձում են դարձյալ վերականգնել:

400 տարվա պատմություն ունեցող այդ շինություններից ընդամենը մի քանիսն են կանգուն մնացել: Ինչ վերաբերում է եկեղեցուն, այն տարիներ շարունակ օգտագործվել է որպես ախոռ և աղբանոց: Ակադեմիկոս Մեհմեդ Թոփը եկեղեցու վերականգնման համար աշխատանքներ է սկսել:

«Ակօս»-ի հետ զրույցում նա ասել է.«Եկեղեցու վերականգնման համար դիմելու ենք մշակույթի նախարարությանը: Քանի որ գյուղում հայ չի մնացել, ամենայն համանականությամբ, եկեղեցին կանվանենք գյուղի հին անունով»:

Թոփը տեղեկացրել է, որ տարածքում կան նաև հայկական այլ շինություններ, սակայն վերականգնման առաջնահերթությունը պետք է տալ մեծ շինություններին: