Այնուամենայնիվ, կխաղան

Մադրիդի «Ռեալի» հարձակվող Քրիշտիանու Ռոնալդուն և թիմի պաշտպան Մարսելուն կմասնակցեն Չեմպիոնների լիգայի քառորդ եզրափակիչի` «Տոտտենհեմի» դեմ կայանալիք հանդիպմանը: Այս մասին հայտնում է Marca պարբերականը:

Արքայական ակումբի գլխավոր մարզիչ Ժոզե Մոուրինիոն նշել է, որ նա այլ ելք չունի, քանի որ եվրագավաթներում պետք է առավելագույն արդյունքի հասնել, որպեսզի մրցաշրջանը վերջնականապես ձախողված չհամարվի:

Հիշեցնենք, որ երկու ֆուտբոլիստներն էլ բաց թողեցին Իսպանիայի առաջության`«Սպորտինգի» հետ հանդիպումը, որն անցանկալի ելք ունեցավ (0:1):

Ավելի վաղ հաղորդվել էր, որ Ռոնալդուն ծնկի առջևի ջլի վնասվածք է ստացել, Մարսելոն էլ ազդրի հետ կապված խնդիր ունի, սակայն վերջիններս կմասնակցեն «Տոտտենհեմի» դեմ կայանալիք հանդիպմանը:

Իսկ ինչ վերաբերում է Բենզեմային, ապա նա հաստատ Լոնդոնում չի խաղա: