Ողջունելի տարբերություն

Նախանձելի չէ Նավասարդ արքեպիսկոպոս Կճոյանի վիճակն այս օրերին: Վերջին շաբաթների պատմությունները փոխել են հանրապետության ղեկավարության վերաբերմունքը նրա նկատմամբ:

Հիշեցնենք, որ մամուլում հրապարակվեցին որոշ տեղեկություններ, կապված այս հոգևորականի անձնական օգտագործման ավտոմեքենայի մակնիշի, վարչապետից ստացված զենքի վերաբերյալ և, որ ամենաարտառոցն է, նրա որոշ փիլիսոփայական և աստվածաբանական խոհերը՝ կապված կանանց հետ հարաբերությունների և հոգևորականի անձնական կյանքի պատկերացումների մասին:

Երեկ Անդրանիկ Մարգարյանի շիրիմին այցելեց Հայաստանի ղեկավարությունը` իր հարգանքի տուրքը մատուցելու հանգուցյալ վարչապետի հիշատակին: Այցելեցին, ի տարբերություն նախորդ տարիների, առանց Կճոյանի: Հոգեհանգստի արարողությունը մատուցում էր Արմավիրի թեմի առաջնորդ Սիոն արքեպիսկոպոսը: