Ինչո՞ւ որակազրկեցին Յուրի Սարգսյանի որդուն

Այս օրերին Հայաստանում է աշխարհի չեմպիոն և աշխարհի կրկնակի ռեկորդակիր Յուրի Սարգսյանը: Մամուլի ասուլիսի ժամանակ նա խոսեց 2010 թվականի հոկտեմբերի 6-ի դեպքի մասին, երբ իր որդուն` Դավիթ Սարգսյանին, 2 տարով որակազրկեցին դոպինգ ընդունելու համար:

«Որդիս երեխա ունենալու հետ կապված խնդիր ուներ և դեղեր էր սրսկվում` առանց իմանալու, որ չի կարելի զուգահեռ մարզվել: Նա արդեն 2 անգամ սրսկումներ էր ընդունել և դեռ 4-ն էլ պետք է ընդուներ: Առջևում էլ ոչ մի առաջնություն չկար, երբ անցավ դոպինգ սուգումը, արդյունքում` որակազրկեցին: Սակայն որդիս մինչ այդ հայտարարել էր, որ հեռանում է սպորտից 1 տարով` ծնկի վնասվածքը բուժելու նպատակով: Ես ամեն դեպքում որդուս չեմ արդարացնում, քանի որ նա պետք է հետաքրքրվեր և իմանար` դա դոպի՞նգ է, թե՞ ոչ»,- ասաց Յուրի Սարգսյանը:

Բանախոսը նաև իր կարծիքը հայտնեց ամսվա ամենակարևոր մարզական իրադարձության` Հայաստան-Ռուսաստան հանդիպման մասին: Նա լավատեսորեն էր տրամադրված և ասաց, որ կանխագուշակում է 1:0 կամ 2:1 հաշիվը: