ԺՈՂՈՎՈՒՐԴ. Թամամյանին կալանավորելու են

Թերթի տեղեկութուններով` չի բացառվում, որ առաջիկայում ՀՀ ոստիկանության քրեական հետախուզության գլխավոր վարչությոն նախկին պետ Հովհաննես Թամամյանը կալանավորվի: Նույնիսկ նշվում է, որ արդեն պատրաստ է այդ որոշումը, սակայն ինչ-ինչ պատճառներով ձգձգվում է:

Երեկ մենք փորձեցինք Թամամյանից պարզել, թե ինչ է տեղի ունենում իր շուրջ, սակայն վերջինս չէր պատասխանում մեր հեռախոսազանգերին:

Երեկվա մեր համարում տեղեկացրել էինք, որ Թամամյանը ԱԱԾ-ում անցկացվող հարցաքննության շրջանակներում սկսել է բավական հետաքրքիր ցուցմունքներ տալ Հայաստանի մի շարք պաշտոնյաների, մասնավորապես` գլխավոր դատախազի վերաբերյալ:

Նշվում է նաեւ, որ Թամամը հիշել է Շահեն Հովասափյանի գործը, թե ինչ ենթատեքստում, երեկ պարզել չհաջողվեց: Եվ չի բացառվում, որ Թամամյանի ցուցմունքներն են պատճառը, որ նա դեռ չի ձերբակալվել: