Մարդկանց հույսը սոցցանցերն են

Ճապոնացիները միմյանց հետ կապ հաստատելու համար օգտագործում են «Թվիթեր», «Ֆեյսբուք» եւ «Միքսի» սոցիալական կայքերը: Բանն այն է, որ բջջային կապը խափանվել է 8.9 բալանոց երկրաշարժի եւ ավերիչ ցունամիի հետեւանքով. գրում է CNET գործակալությունը:

Ճապոնական խոշոր օպերատոր NTT DoCoMo-ի ցանցը չի կարողանում սպասարկել զանգերի 80 տոկոսը, հատկապես` Տոկիոյում եւ երկրի հյուսիսարեւելյան հատվածում: Կապ գրեթե չկա կամ էլ սարսափելի վատ է աշխատում ամբողջ երկրի տարածքում:

Կաթվածահար է նաեւ մյուս բջջային օպերատորների աշխատանքը: Մարդիկ չեն կարողանում անգամ sms-ներ ուղարկել իրենց սիրելի մարդկանց ու ընկերներին: Գրում են, թե միայն DoCoMo-ի բաժանորդների հետ են կարողանում կապ հաստատել:

Այս ծանր իրավիճակում սոցիալական ցանցն է լրացնում կոմունիկացիոն այս բացը, թեեւ ինտերնետային կապն էլ լավ չէ Տոկիոյում: