Սահմանների պաշտպանության հույսը միայն Փաշինյանի օրոք է մնացել այլ երկրների վրա․ Արթուր Խաչատրյան

«5-րդ ալիք» հեռուստաընկերության «Օրագիր» հաղորդման հյուրն է ՀՅԴ անդամ, ԱԺ «Հայաստան» դաշինքի պատգամավոր Արթուր Խաչատրյանը:

Արթուր Խաչատրյանի խոսքով՝ համանուն դաշինքի «մահվան» մասին լուրերը չափազանցված են։ Դաշինքում բնական գործընթացներ են, պատգամավորական մանդատը վայր դրած Վարդևանյանին կփոխարինի մեկ այլ թեկնածու, նա կայացրել է անձնական որոշում, ճամբարափոխ չի եղել, ինչի մասին հայտնել է։

Ըստ Արթուր Խաչատրյանի՝ ՀՀ սահմանների պաշտպանության հույսը միայն Փաշինյանի օրոք է մնացել այլ երկրների վրա։ Փաշինյանը ձախողել է ՀԱՊԿ-ում իր առաքելությունը, իսկ տվյալ պարագայում, ամենևին էական չէ՝ տաջիկներն են դեմ եղել, թե ղրղզները։ Ինչ վերաբերում է Լաչինի միջանցքի նկատմամբ Ալիևի հավակնություններին, պատգամավորը շեշտեց՝ եթե այն կտրվի Հայաստանից, Արցախում էլ հայ չի մնա։

Մանրամասները՝ տեսանյութում