Ադրբեջանի սադրիչ քաղաքականության արդյունքը

2008-ին Հայաստանի ներքաղաքական իրավիճակը հանգեցրեց հասարակության բեւեռացման: Ընդդիմությունն այսօր ակտիվացել է` սկսելով միտինգային շրջանը, իսկ թե ի՞նչ շրջանակներ եւ ընտրազանգված կունենա` կերեւա առաջիկայում. այսօր լրագրողների հետ հանդիպման ժամանակ ասաց քաղաքագետ Ալեքսանդր Մարկարովը:

Քաղաքագետը Սոչիի հանդիպման արդյունքում ստորագրված փաստաթուղթը դրական է համարում:

«Սակայն Ադրբեջանը վերջերս ակտիվացրել է իր քայլերը շփման գծում: Այն հայտարարությունը, որ Ադրբեջանի ԱԳՆ-ն ներկայացրել է Լավրովին` երեխայի սպանության հետ կապված, Ադրբեջանի պրովոկացիոն քաղաքականության արդյունքն է: Բանակցային գործընթացներում հեղափոխությունները չեն բացառվում, սակայն մեզ մոտ սպասվում են նախընտրական գործընթացներ, ինչի հետեւանքով հեղափոխությունները հիմա անհնար են»,- ասաց Մարկարովը: