Իններորդ անգամ Հայաստանում

Մարտի 8-ին Երեւանում տեղի կունենա Բրիտանական ֆիլմերի իններորդ փառատոնի բացման հանդիսավոր արարողությունը, որին կմասնակցեն ՀՀ-ում Մեծ Բրիտանիայի եւ Հյուսիսային Իռլանդիայի Միացյալ Թագավորության արտակարգ եւ լիազոր դեսպան Չարլզ Լոնսդեյլը, Բրիտանական խորհրդի հայաստանյան գրասենյակի տնօրենը եւ այլք:

Ինչպես «Երկիր»-ին տեղեկացրին Բրիտանական խորհրդի հայաստանյան գրասենյակի հասարակայնության հետ կապերի բաժնից, փառատոնի բացման արարողության հատուկ հյուրն է լինելու V.O.X բրիտ-փոփ խումբը:

Փառատոնի ֆիլմերը կցուցադրվեն նաեւ Վանաձորում եւ Կապանում: Հայ հանդիսատեսին կներկայացվի 6 ֆիլմ`«Արտադրված է Դագենհեմում», «Արբոր», «Վարդագույն սարիներ», «Ժողովրդի թշնամիները», «Բաբելոնի զավակը», «Ըստ կասկածանքի»: