Թող այդ ինտելեկտուալ կարողություններով ուրիշ տեղ էքսպերիմենտներ անի

ԵՐԿԻՐ-ի խնդրանքով ԺԿ նախագահ Տիգրան Կարապետյանն արձագանքել է ՀՀ վարչապետ Տիգրան Սարգսյանի` նախօրեին արած հայտարարությանը, թե «կառավարության գործելաոճը լուրջ անհարմարություններ է ստեղծում ընդդիմախոսների համար, քանի որ բացթողումներ բացահայտելու համար անհրաժեշտ է նաեւ որոշակի ինտելեկտուալ, վերլուծական աշխատանք»: Վարչապետը նաեւ նշել էր, որ մեր ընդդիմախոսներն այդ կարողությունները չունեն, եւ արդյունքում կիրառում են շատ հայտնի մեթոդ` սադրանքը:

«Վարչապետն ինտելեկտուալ կարողություններից որ զուրկ չլիներ, նրա ընդունած յուրաքանչյուր որոշում կոնֆլիկտ չէր ստեղծի հասարակության մեջ. ժողովուրդն ընդդիմադիր է իր յուրաքանչյուր որոշմանը: Թող այդ ինտելեկտուալ կարողություններով ուրիշ տեղ էքսպերիմենտներ անցկացնի: Ինչ վերաբերում է պրովոկացիային, ապա ոչ մեկն էլ իր դեմ պրովոկացիա չի անում: Պարզապես թող այնպիսի որոշումներ ընդունի, որոնք ոչ թե կվատացնեն, այլ կլավացնեն մարդկանց կյանքը»,- ասաց Տ. Կարապետյանը: