Ֆուտբոլիստը դարձել է դիզայներ

Առաջին դեպքը չէ, երբ ֆուտբոլիստները դառնում են մոդելներ կամ դիզայներներ:

«Ֆլամենգոյի» հարձակվող Ռոնալդինիոն մարզաշապիկների և մարզագլխարկների սեփական հավաքածու է թողարկել ֆրանսիացի հայտնի դիզայներ Քրիստիան Աուդիգերի հետ: Բրազիլացին ինքն է մոդելի դերում ներկայացել` մասնակցելով առանձնահատուկ ցուցադրության:

Ռոնալդինիոն իր մարզաշապիկը ցուցադրել է` գնդակ խաղալով: Ելույթին մասնակցել են նաև դիմակահանդեսային զգեստներով բրազիլուհի մոդելներ: Ծրագրվում է, որ մարզաշապիկները կվաճառվեն ոչ միայն Բրազիլիայում, այլև Լատինական Ամերիկայի այլ երկրներում, ԱՄՆ-ում և Ճապոնիայում: Դրանք 35-50 դոլար կարժենան: Այս մասին տեղեկացնում է sports.ru-ն: