Քանդվելու է Ալիևի խնդրանքով

Ադրբեջանի նախագահ Իլհամ Ալիևի խնդրանքով Թուրքիայի վարչապետ Ռեջեփ Թայիփ Էրդողանը հրամայել է քանդել հայ և թուրք ժողովուրդների բարեկամությունը խորհրդանշող հուշարձանը: Այդ մասին ասել է Կարսի նախկին քաղաքապետ Նաիֆ Ալիբեյօղլուն, ում նախաձեռնությամբ էլ մի քանի տարի առաջ կանգնեցվել էր արձանը:

«Մենք նավթային և գազային կախվածության մեջ ենք Ադրբեջանից, դա է պատճառը, որ համաձայնել ենք քանդել այն»,- ասել է Ալիբեյօղլուն:

Հիշեցնենք, որ օրեր առաջ Կարսի քաղաքապետարանի խորհրդի նիստի քննարկմանն էր դրվել հուշարձանի ապամոնտաժման հարցը: Արդյունքում խորհրդի 23 անդամներից կողմ են քվեարկել ապամոնտաժմանը, դեմ` 4-ը:

Իր հունվարյան այցի ընթացքում Էրդողանը «հրեշավոր» որակումն էր տվել հայ-թուրքական բարեկամությանը նվիրված հուշարձանին և հրամայել էր քանդել այն: