«Դոլմամա»-ի նկուղները չեն քանդվելու. Նարեկ Սարգսյան

Այսօր կառավարության նիստից հետո լրագրողների հետ զրույցում քաղաքաշինության նախարար Նարեկ Սարգսյանն անդրադարձավ «Դոլմամա»-ի շենքի նկուղների հարցին:

«Ուղիղ «Դոլմամա»-ի դիմաց` Աբովյանի անկյունում, կա հուշարձան-շենք, որը, ի դեպ,  նույն կառուցապատողինն է, այնտեղ կային նկուղներ, որոնք ամբողջությամբ պահպանվել են, և վստահ եմ, որ «Դոլմամա»-ի նկուղները ևս չեն քանդվելու: Վստահ եմ, որ երբ լինի առաջադրանք, դրանում կամրագրվեն բոլոր սահմանափակումները, թե ինչն է կարելի և ինչը չի կարելի: Սահմանափակումները կլինեն հուշարձանները տեղում պահպանելու վերաբերյալ, դրա մեջ կմտնի նաև նկուղների հարցը, եթե դրանք արժեքավոր են: Ես ինքս չեմ եղել այդ նկուղում»,- ասաց նա:

Հարցին, թե երաշխավորո՞ւմ է, որ հուշարձանը չի քանդվի, նախարարը պատասխանեց. «Այո, երաշխավորում եմ»: