ՀԱՅԿԱԿԱՆ ԺԱՄԱՆԱԿ. Գործ են հարուցել

«Հայկական ժամանակ» օրաթերթի  գլխավոր խմբագիր, քաղբանտարկյալ Նիկոլ Փաշինյան դեմ «Կոշ» ՔԿՀ-ում անցած տարվա նոյեմբերի լույս 11-ի գիշերը կազմակերպված հարձակման դեպքի փաստի առիթով հարուցվել է քրեական գործ:

ՀՀ գլախվոր դատախազությունից թերթի թղթակցին ասել են, որ քրեական գործը հարուցվել է ՀՀ գլխավոր դատախազ Աղվան Հովսեփյանի` փետրվարի 16-ին ստորագրած որոշման հիման վրա, որով նա վերացրել է քրեական գործի հարուցումը մերժելու մասին «Կոշ» ՔԿՀ պետ Լյովա Բաղդասարյանի` դեկտեմբերի վերջին կայացրած որոշումը:

Քրեական գործը հարուցվել է ՀՀ ՔՕ 118 հոդվածի («Ծեծ») հատկանիշներով:

Քրեական գործի նախաքննությունն իրականացնելու է ՀՀ ոստիկանության Արագածոտնի մարզային վարչությունը, քանի որ «Կոշ» ՔԿՀ-ն գտնվում է Արագածոտնի վարչական տարածքում: