Կասկածյալը կալանավորվել է

Այսօր Արմավիրի ընդհանուր իրավասության դատարանը վճռել է երկու ամսով կալանավորել օրեր առաջ Արմավիրի մարզի Արագած գյուղում տեղի ունեցած սպանության մեջ մեղադրվող` 1968 թ. ծնված Քերոբ Սուրենի Եփրեմյանը. տեղեկացնում է ֆոտոլրագրող Գագիկ Շամշյանը:

Հիշեցնենք, որ  փետրվարի 14-ին Էջմիածնի հիվանդանոցից Վաղարշապատի բաժին հաղորդում էր ստացվել, որ իրենց մոտ է տեղափոխվել 1979 թ. ծնված Մայիս Սիմոնի Միքայելյանի դիակը:

Օպերատիվ աշխատանքների արդյունքում պարզվել է, որ սպանության օրը` ժամը 22.15-ի մոտ, Արմավիրի մարզի Արագած գյուղի Հաղթանակի փողոցի 29 տան դիմաց կայանված ՎԱԶ 2101 07 ՏՍ 028 համարանիշի մեքենայի մեջ են եղել Եփրեմյանը եւ Միքայելյանը: Նրանց միջեւ տեղի է ունեցել կենցաղային վեճ, որի ժամանակ Եփրեմյանը դանակով հարվածել է իր աներորդի Միքայելյանի կրծքավանդակին:

Տեսագրությունը կարող եք դիտել այստեղ:

Տեսանյութը` Գագիկ Շամշյանի