Մոսկվայի սրճարաններից մեկում մարդ է սպանվել, կասկածյալը հայ է

Մոսկվայի հյուսիս-արևելքում գտնվող սրճարանի մոտ տեղի ունեցած ծեծկռտուքի ժամանակ մարդ է սպանվել, ևս մեկը դանակահարվել է. հայտնում է РИА Новости-ն՝ իրավապահներին հղումով:

Միջադեպը տեղի է ունեցել այս գիշեր Պսկովի փողոցում:

Տեղեկության համաձայն՝ 1:30-ի սահմաններում սրճարանում վեճ է բռնկվել 4 մարդու միջև: Վեճը վերածվել է ծեծկռտուքի, որի արդյունքում 1984 թ. ծնված քաղաքացին ստացել է դանակի հարված` սրտի հատվածում: Դանակի մի քանի հարված ստացել է  նաև 1985 թ. ծնված մի քաղաքացի:

Հաղորդվում է, որ մի քանի ժամ անց իրավապահ մարմինները ձերբակալվել են կասկածյալի՝  1990 թվականին ծնված ՀՀ քաղաքացու: Այլ մանրամասներ հայտնի չեն: