Լենինին հարկավոր է հողին հանձնել, բայց ոչ հիմա

ԽՍՀՄ նախկին նախագահ Միխայիլ Գորբաչովի կարծիքով` «համաշխարհային պրոլետարիատի առաջնորդ» Վլադիմիր Լենինի դին հարկավոր է հողին հանձնել, բայց ոչ հիմա` փոքր-ինչ ուշ:

Նա համարում է, որ անհրաժեշտ է հարմար պահ գտնել, որ երկրում պառակտություն չսկսվի:

Ռուսաստանցիների շրջանում այս տարվա հունվարի 29-30-ը անցկացված հարցման արդյունքներով` նրանց մեծ մասը` 61 տոկոսը, համարում է, որ Լենինի դին հարկավոր է հողին հանձնել, ընդ որում, 43 տոկոսի կարծիքով, դա պետք է անել անհապաղ, իսկ 18 տոկոսի կարծիքով` անհրաժեշտ է սպասել, քանի որ դեռ կենդանի են մարդիկ, որոնց համար Լենինը թանկ է: Սոցիոլոգների տվյալներով` դամբարանում հեղափոխության առաջնորդին թողնելուն կողմ է հարցվածների 29 տոկոսը:

Ի դեպ, վարչապետ Վլադիմիր Պուտինը անցյալ տարվա սեպտեմբերին հայտարարել էր, որ կգա ժամանակը, եւ ժողովուրդը կլուծի Լենինի հուղարկավորության հարցը:

ՌԴ նախագահ Դմիտրի Մեդվեդեւը հրապարակայնորեն այդ թեմային չի անդրադարձել: