Հրդեհ` մանկատանը

Էստոնիայում փետրվարի 21-ը հայտարարված է համազգային սգի օր երկրի մանկատներից մեկում բռնկված հրդեհի պատճառով: Մանկատունը գտնվում է Հաապսապու փոքրիկ քաղաքում: Այնտեղ ապրում են ուղեղային լուրջ խախտումներով եւ հենաշարժային համակարգի խնդիրներով երեխաներ:

Հրդեհը տեղի է ունեցել հանգստի ժամին, երբ բոլորը եղել են շենքում: Հրշեջները շատ արագ են ժամանել, սակայն չեն կարողացել հանգցնել փայտե շինությունն ամբողջովին բռնկված է եղել:

Դեպքի պահին մանկատանը եղել է 44 մարդ, 10-ը զոհվել են, եւս 10-ը` հոսպիտալացվել:

Ըստ ոչ պաշտոնական վարկածի` մանկատունը հրդեհել է մանկատան նախկին սաներից մեկը, ով ունի հոգեկան խնդիրներ: