Կոալիցիայի հայտարարությունը մեկնաբանում է ՀՅԴ Բյուրոյի ներկայացուցիչ Հրանտ Մարգարյանը

Կոալիցիայի համատեղ ստորագրած  հայտարարությունը  իշխանական թեւերի կողմից քաղաքական դաշտում տոտալիտարիզմի հաստատման փորձ է, որը հղի է լուրջ վտանգներով: Այսօր, երբ  հասարակական-քաղաքական կյանքը ճգնաժամ է ապրում, ձախողումները ակնհայտ են բոլոր ոլորտներում, եւ դրանց գլխավոր պատճառը ժողովրդավարական արժեքներով չառաջնորդվող քաղաքական իշխանությունն է, որն իր ցանկությունների բավարարման ճանապարհին ավելի է խորացնում առկա ճգնաժամըՙ միջկուսակցական հարաբերություններում կոպտորեն խախտելով էթիկայի բոլոր կանոնները: Քաղաքական ուժի այսպիսի կենտրոնացումը եւ բեւեռացումը   բերելու է հասարակության կողմից հակառակ բեւեռում քաղաքական, իսկ որ ավելի վտանգավոր է, տարերային ուժի ձեւավորման`  իր բոլոր հետեւանքներով: Ասում են երկիրը վատ վիճակի մեջ է, դրա համար ստորագրում ենք: Ավելի ճիշտ կլիներ, եթե ժողովրդի վիճակը լավ լիներ, եւ տրամաբանական կլիներ, եթե որոշեին, որ այս լավ վիճակը շարունակելու համար իրենց համագործակցությունը շարունակեին: Եթե վատ է, ես չեմ հասկանում ինչն են ուզում շարունակել: Արտաքին վտանգ միշտ էլ կա, եւ պետք է դրա դեմ համախմբված լինենք, բայց դա չի նշանակում, որ ներհայաստանյան կյանքում պետք է դառնանք անգույն եւ տափակ:

Փաստորեն, հերթական ընտրություններին ընդառաջ իշխանությունը, հասարակության  մի մասի մոտ խորացնելով առանց այն էլ խոր հիասթափությունը, փորձում է ստեղծել  ընտրությունների արդյունքների կանխորոշվածության  մթնոլորտ` դրանով   դրդելով  նրան ծայրահեղ դիրքորոշումների, որը կարող է հանգեցնել նոր  ողբերգությունների։

Սա ակնհայտ սխալ եւ վտանգավոր մոտեցում է, երբ ղեկավարող կուսակցությունը, իր մեջ կլանելով կոալիցիոն մյուս ուժերին,  իշխանությունըպահելու համար  շարունակում է հասարակությունը բաժանել §սեւերի եւսպիտակների։