ՀՀ նախագահը նվաստացա՞ծ է

Հայաստանում իրավիճակը շատ տխուր է, եւ եթե այսպես շարունակվի, պետությունը երկար չի գոյատեւի. այսօր լրագրողների հետ հանդիպման ժամանակ կարծիք է հայտնել վերլուծաբան Արծրուն Պեպանյանը:

Սակայն գրող, հրապարակախոս Տիգրան Պասկեւիչյանը համամիտ չէ: Ըստ նրա` ներկայումս ե'ւ պետությունը, ե'ւ հասարակությունը լուրջ գործընթացների մեջ են, որոնք որոշակի հանգուցալուծման կտանեն, սակայն ոչ պետության վերացմանը:

Անդրադառնալով կոալիցիոն հուշագրի ստորագրման` Տ. Պասկեւիչյանն ասել է. «Որեւէ մարդ, ով նախագահի աթոռին է նստել, չեմ կարծում, որ երբեւէ այսչափ նվաստացած լինի: Անգամ եթե ԲՀԿ-ն հուշագրի տակ դրեց իր ստորագրությունը, փաստեց, որ «ճիշտ է դու լավ մարդ եւ նախագահ չես, բայց մենք ստորագրում ենք»:

Նա նաեւ կարծիք հայտնեց, որ Մերձավոր Արեւելքի դեպքերը շղթայական են, եւ գուցե հերթը Հայաստանին էլ հասնի: