ԺԱՄԱՆԱԿ. Իշխանությունները վախենում են թռուցիկներից

Երեկ Հայ ազգային կոնգրեսի երիտասարդ ակտիվիստները այսօր Մատենադարանի մոտ կայանալիք Հայ ազգային կոնգրեսի հանրահավաքի իրազեկման թռուցիկներ բաժանելիս Էրեբունի վարչական շրջանում ենթարկվել են հարձակման: Քաղաքացիական հագուստով շուրջ 20 հոգի հարձակվել են երիտասարդների վրա եւ խլել թռուցիկները, իսկ մոտակայքում գտնվող ոստիկաններն անգամ չեն միջամտել քաշքշուկին:

Այնուհետեւ ՀԱԿ ակտիվիստներ Նարեկ Սամսոնյանին ու Կարեն Թովմասյանին ՀՀՇ կուսակցության գրասենյակից բերման են ենթարկել ոստիկանության Կենտրոնի բաժին: Նշենք, որ երիտասարդներին ձերբակալող ոստիկանները որեւէ բացատրություն չեն տվել, սակայն, ինչպես վկայում են գրասենյակում գտնվողները, ոստիկանները գինովցած են եղել: Մի քանի ժամ երիտասարդներին ոստիկանության Կենտրոնի բաժնում պահելուց հետո նրանց ազատ են արձակել առանց որեւէ պատճառաբանության:

ՀԱԿ իրավապաշտպան Արմեն Խաչատրյանը մեզ հետ զրույցում նշեց, որ երիտասարդներին հաջողվել է ազատ արձակել, սակայն ոստիկանությունում դեռեւս ոչ մի պարզաբանում չեն տվել: