Պատերազմի վտանգը նվազել է

«Եվրոպական ինտեգրացիա» ՀԿ նախագահ, վերլուծաբան, Կարեն Բեքարյանի համոզմամբ` Հարավային Սուդանի ինքնորոշման հանրաքվեն, արաբական աշխարհում տեղի ունեցող զարգացումները, Կիպրոսի թուրքական հատվածում առկա տրամադրությունները, Պաղեստինի նկատմամբ հետաքրքրության աճը շեղում են գերտերությունների ուշադրությունը, եւ  Ղարաբաղյան հակամարտության կարգավորման խնդիրը մղվել է երկրորդ պլան:

«Այս ամենը, թվում է, կապ չունի մեզ հետ, սակայն անուղղակիորեն կապվում է Լեռնային Ղարաբաղի հարցի կարգավորման հետ»,- ասաց Բեքարյանը` նշելով, որ վաղուց եկել է ժամանակը, որ կարողանանք  «օգտվել այդ բոլոր ֆոնային գործոններից»:

Վերլուծաբանի համոզմամբ` հատկապես Աստանայի հանդիպումից հետո, չնայած Ադրբեջանի ռազմատենչ հայտարարությունները չեն պակասել, այնուհանդերձ, պատերազմի հավանականությունը նվազել է, սակայն զրոյական չէ: