Հայաստանին` 40 մլն դոլար

ԱՄՆ նախագահ Բարաք Օբաման Կոնգրեսի քննարկմանն է ներկայացրել է 2012 թվականի ֆինանսական բյուջեն, որով  Հայաստանի համար նախատեսվում է 40 մլն դոլարի տնտեսական օգնություն։

Իսկ Հայաստանին տրամադրվելիք ռազմական օգնության չափը զիջում է Ադրբեջանին հատկացվող գումարին։

Ամերիկայի Հայ Դատի հանձնախումբը հաղորդագրություն է տարածել, որում իր անհանգստությունն է հայտնում նաեւ այն կապակցությամբ, որ  2012 թ. Հայաստանին հատկացվելիք օգնության չափը  Կոնգրեսի` նախորդ տարվա հաստատած գումարից քիչ է։

«Ամերիկայի հայ համայնքը, քաջատեղյակ լինելով Ադրբեջանի եւ Թուրքիայի կողմից Հայաստանին պատճառած` շարունակական բնույթ կրող տնտեսական խնդիրներին, մտահոգված է, որ նախագահ Օբաման կրճատել է Կոնգրեսի կողմից Հայաստանին տրամադրվելիք օգնությունը»,- ասել է Հայ Դատի հանձնախմբի գործադիր տնօրեն Արամ Համբարյանը:

Նա նաեւ նշել է, որ Բաքվի համար ավելի շատ ռազմական օգնություն խնդրելով, ԱՄՆ նախագահը հաշվի չի առնում Ադրբեջանի ղեկավարության` Ղարաբաղյան հիմնահարցը ռազմական ճանապարհով լուծելու սպառնալիքները, այդպիսով` խոչընդոտելով խաղաղ կարգավորման գործընթացին:

Հայ Դատի հանձնախումբը նաեւ հիասթափություն է հայտնել, որ Օբաման որեւէ լուրջ քայլ չի ձեռնարկել հայ-ամերիկյան առեւտրային հարաբերություններն ընդլայնելու ուղղությամբ։

Նշենք, որ ԱՄՆ 2012 թ. բյուջեով դադարեցվում է նաեւ Հայաստանին հատկացվող օգնությունը գլոբալ առողջապահությանւ եւ երեխաների պաշտպանությանը վերաբերող ծրագրերով:

Նախագահ Օբամայի 2012 թ. ֆինանսական տարվա կովկասյան հատկացումները.