Խորհուրդ է տրվում մեքենա չվարել

Հանրապետության ողջ տարածքում տեղացող առատ ձյան պատճառով ամբողջովին փակվել է Սելիմի լեռնանցքը, Թալին-Մարալիկ-Գյումրի-Աշոցք ճանապարհահատվածը: Նշված վայրերում խիստ բուք է, մառախուղ, տեսանելիությունը` 0 աստիճան. ԵՐԿԻՐ-ին տեղեկացրին ՀՀ տրանսպորտի եւ կապի նախարարության հասարակայնության հետ կապերի բաժնից:

Մայրաքաղաքից դեպի Ապարան տանող ճանապարհահատվածը թեեւ բաց է, սակայն այստեղ էլ խիստ բուք է, տեսանելիությունը ցածր` 5-7 մետր: Նույն վիճակն է նաեւ Դպրավանք- Ճամբարակ-Վարդենիս ճանապարհահատվածի ուղղությամբ: Վայքում, հատկապես` Սարավանի լեռնանցքում, եւս առատ ձյուն է ու մրրիկ, մառախուղի պատճառով տեսանելիությունը խիստ ցածր է:

Վարորդներին խորհուրդ է տրվում մեքենա վարել միայն խիստ անհրաժեշտության դեպքում: