Որոշ հարցեր կանոնակարգվել են, որոշները` ոչ

Այսուհետեւ պատահական մարդիկ չեն զբաղվելու հայաստանյան ճանապարհների շինարարությամբ: Ճանապարհների պահպանման եւ սպասարկման նոր կարգ ենք  հաստատել. շինարարներից պահանջվում է ունենալ համապատասխան աշխատանքային փորձ, ինժեներական կազմ եւ շինտեխնիկա: 

Ճանապարհային շինարարության հետերաշխիքային սպասրկամն ժամկետը նախկինում սահմանված մեկ տարվա փոխարեն սահմնավել է երեք տարի: Այս մասին լրագրողների հետ հանդիպման ժամանակ ասաց ՀՀ տրանսպորտի եւ կապի նախարար Մանուկ Վարդանյանը:

Ճանապարհաշինության ոլորտում աշխատանքների ապահովագրական նոր մեխանիզմներ են ներդրվել, որոնք նվազեցնելու են պետության ռիսկերը անորակ շինարարության հայտնաբերման եւ դրանց հետեւանքները վերացնելու գործում:

Ավտոմոբիլային ճանապարհներին անօրինական միջամտությունների բացառման նպատակով մշակվել է <Վարչական իրավախախտումների մասին ՀՀ օրենքում փոփոխություններ կատարելու մասին> ՀՀ օրենքի նախագիծը:

«Բոլորս էլ երթեւեկում ենք, գիտենք` տարբեր տեսակի ցուցանակներ, խողովակներ, ենթակառուցվածքային էլեմենտներ` ով ոնց ուզում անցկացնում է»,- նախարարի կարծիքով` վաղուց արդեն ժամանակն է, որ մարդիկ որոշեն անօրինական ճանապարհով անեն դա եւ տուգանվեն, թե թույլտվություն ստանան:  

Փոփոխություններ են կատարվել շինարարությանը վերաբերվող կանոնակարգերում` կապված փորձաքննությունների, տեխնիկական հսկողության, ճանապարհների վերականգնման եւ դրանց ավարտական ակտերի ձևակերպման ընթացակարգերում:

Չնայած իրականացված զգալի աշխատանքներին, չի հաջողվե ամբողջապես կանոնակարգել  նախագծողների, նախագծանախահաշվային փաստաթղթերի փորձաքննություն  իրականացնողների  եւ տեխնիկական հսկողություն իրականացնողների գործառույթների հստակեցման եւ պատասխանատվության հստակ սահմանման խնդիրները: