Այս մարդուց պատերազմի հո՞տ

2010թ. Ադրբեջանը, նախորդ տարվա համեմատ, 3,6 անգամ մեծացրել է ռազմական նշանակության արտադրանքի արտադրության ծավալը: Այս մասին հայտարարել է Ադրբեջանի պաշտանական արդյունաբերության նախարար Յավիր Ջամալովը: 2006-ի համեմատ սույն ցուցանիշն աճել է 115 անգամ: Այդ ընթացքում լիովին վերացվել է երկրի կախվածությունը ռազմամթերքների ներկրումից:

Ջամալովի խոսքով՝ Ադրբեջանի պաշտպանության նախարարության հիմնական խնդիրը «խորհրդային շրջանի ձեռնարկությունների վերականգնումն ու վերակազմավորումն է եւ պաշտպանական նշանակության արտադրության կազմակերպումը դրանց բազայի վրա»:

Մինչեւ 2011-ի մարտ ամիսը երկրում նախատեսվում է գործարկել ութ նոր արդյունաբերական հատված, որոնցում կարտադրվեն զինամթերք ու նոր զինատեսակներ:

2010թ. հոկտեմբերի վերջին Ադրբեջանի խորհրդարանը հաստատեց 2011-ի պետբյուջեի նախագիծը, որով նախատեսվում է ռազմական ծախսերն ավելացնել 1,6 անգամ: Ըստ հաստատված փաստաթղթի, Ադրբեջանի պաշտպանության նախարարությունը 2011-ին կստանա 2,5 միլիարդ մանաթ (3,1 մլրդ դոլար):

Ավելի վաղ երկրի ֆինանսների նախարար Սամիր Շարիֆովը հայտարարել էր, թե ռազմական ծախսերի ավելացումը պայմանավորված է Լեռնային Ղարաբաղի շրջանում լարվածության աճով, Հայաստանի հետ երկարատեւ հակամարտությունով: