Չի բացառվում՝ ԱՄՆ-ը Սիրիայի հյուսիսարևելյան հատվածում պահպանի 500 մարդուց կազմված զորակազմ

Ամերիկյան իշխանությունները քննարկում են Սիրիայի հյուսիս-արեւելքում 500 մարդ թվաքանակով զորակազմի պահպանման և զինծառայողների պաշպանության համար այնտեղ մի քանի տասնյակ տանկ ու այլ տեխնիկա ուղարկելու հնարավորությունը. հայտնում է The Wall Street Journal-ը:

Իրադարձությունների զարգացման նմանօրինակ սցենարը նշանակում է Սիրիայից ամերիկյան զորքերի դուրսբերման վերաբերյալ ԱՄՆ նախագահ Դոնալդ Թրամփի ծրագրերի փոփոխություն: Պարբերականի պնդմամբ՝ ԱՄՆ-ն այս կերպ փոքր-ինչ կփոխի Սիրիայի տարածքում զորքերի ներկայության նպատակը: Այս պահին, բացի «Իսլամական պետություն» ահաբեկչական խմբավորման դեմ պայքարից, ԱՄՆ-ը հույս ունի «երկրի արևելքում պաշտպանել նավթային հանքավայրերը»:

Ըստ Պենտագոնի մամուլի ծառայության տվյալների՝ ԱՄՆ-ը Սիրիայի հյուսիս-արևելք լրացուցիչ ուժեր և տեխնիկա է ուղարկում ԻՊ զինյալներից նավթային հանքավայրերը պաշտպանելու նպատակով:

«ԱՄՆ-ն ամրապնդում է իր դիրքերը՝ Սիրիայի դեմոկրատական ուժերի գործընկերների համակարգմամբ և այդ նավթային հանքավայրերի վերադարձը ԻՊ-ին կամ այլ ապակայունացնող ուժերին կանխելու բազմաբնույթ միջոցներով»,- ասվում է փաստաթղթում:

ԱՄՆ նախագահ Դոնալդ Թրամփն ավելի վաղ հայտարարություն էր տարածել, որի համաձայն՝  ԱՄՆ-ը զինյալներին թույլ չեն տա Սիրիայի հյուսիս-արևելքում վերականգնել նավթային հանքավայրերի վերահսկողությունը և մտադիր է դրանք թողնել իր վերահսկողության ներքո, որից հետո կորոշի՝ ինչպես ճիշտ կլինի վարվել: