ԱՌԱՎՈՏ. «Ա1+»-ը կլինի եթերում՝ ինչ էլ որոշի ՀՌԱՀ-ը

Այսօր ՀՌԱՀ-ն ընտրելու է այն հեռուստաընկերություններին, որոնց տրամադրելու է արտոնագիր՝ 10 տարի հեռարձակում իրականացնելու համար: «Մեր մրցութային առաջարկը համարում եմ ուժեղ, լուրջ եւ իրատեսական ծրագիր, իսկ հանձնաժողովի մոտեցումը եթե կրկնվի, կկրկնվեն այն հեքիաթները, որոնք տարիներ շարունակ լսել ենք՝ կնշանակի, որ մեր երկրում ոչինչ չի փոխվել, եւ փոփոխությունների մասին պետք է մտածի ժողովուրդը»,- ասել է «Ա1+ե-ի ղեկավար Մեսրոպ Մովսիսյանը: Նա նաեւ հայտնել է, որ առաջիկայում իրականացնելու են արբանյակային հեռարձակում. «Պայմանավորվածություններն արդեն կան: Մենք սպասում ենք հանձնաժողովի որոշմանը, սակայն մենք լինելու ենք եթերում՝ ինչ էլ հանձնաժողովը որոշի»: