Նոր հայտնագործություն կրիմինալիստիկայի ոլորտում

Հոլանդացի գիտնականները մի թեստ են հայտնագործել, որը կարող է արյան ընդամենը մեկ կաթիլից պարզել հանցագործի տարիքը:  Թեստը հնարավոր է անցկացնել նաև արյան չորացած կաթիլներով, որը կօգնի նաև բացահայտել տարիներ առաջ տեղի ունեցած հանցագործությունները:

Գիտնականները համոզված են, որ մոտ է այն օրը, երբ քննիչները, ունենալով հանցագործի արյան, մաշկի կամ թքի մի փոքր նմուշ, կկարողանան կազմել հանցագործի ֆոտոռոբոտը՝ ներառելով նրա աչքերի, մազերի և մաշկի գույնը: Մինչ այս հայտնագործությունը, մարդու տարիքը պարզելու համար անհրաժեշտ էր նրա ատամը կամ ոսկորի մի մասը:  

Հոլանդացի գիտնականներն ասում են, որ այս մեթոդը կարող է անմիջապես անցնել գործնական օգտագործման: